Քարտուղար և Քարտուղար+

«Քարտուղար» ծառայությունը հաղորդագրության տեսքով տեղեկացնում է Ձեզ ուղղված այն զանգերի մասին, որոնք չեք կարողացել ստանալ հեռախոսագծի զբաղված լինելու, հեռախոսն անջատված լինելու կամ ռադիոծածկույթից դուրս գտնվելու պատճառով:

Հաղորդագրության մեջ նշվում է զանգահարողի հեռախոսահամարը, զանգի օրը և ժամը:

Հեռախոսագծի զբաղված լինելու դեպքում հաղորդագրությունները կստանաք անմիջապես, իսկ եթե հեռախոսն անջատված է կամ Դուք գտնվում եք ռադիոծածկույթից դուրս, ապա հասանելի դառնալուն պես Ձեզ կդիմավորի «Քարտուղարն» իր հաղորդագրություններով:

Ի դեպ, Դուք կարող եք ակտիվացնել նաև «Քարտուղար+» ծառայությունը, և Ձեր հասանելի լինելու մասին հաղորդագրություն կստանան այն բաժանորդները, որոնցից ունեք բաց թողնված զանգեր:

Հաղորդագրություն չի ուղարկվում.

•Եթե զանգահարողն  օգտվում է Ինքնորոշման արգելափակում կամ «Պահմտոցի» ծառայությունից
•Եթե Դուք օգտվում եք «Զանգի վերահասցեավորում» ծառայությունից

Ծառայությունները անվճար են թե՛ կանխավճարային և թե՛ հետվճարային բաժանորդների համար և հասանելի են նաև ռոումինգում: 

Ծանոթություն

•«Քարտուղար+» ծառայությունն անհասանելի է միջազգային և դեպի այլ ցանցեր զանգերի դեպքում:
• Ծառայությունները հասանելի են ռոումինգում, եթե համապատասխան ծառայությունները մատուցվում են նաև ռոումինգ գործընկերոջ կողմից: