Մանրամասն հաշիվ

Այս ծառայությունը բաժանորդին հնարավորություն է տալիս ստանալու մանրամասն տեղեկություն ելքային զանգերի, հաղորդագրությունների, օգտագործված ինտերնետի և այլ ծառայությունների վերաբերյալ:

Մանրամասն հաշիվ կարելի է ստանալ.

• Viva-ի սպասարկման կենտրոններից
• «Ինտերնետ օգնական» պորտալի միջոցով
• My Viva հավելվածի միջոցով

«Ինտերնետ օգնականի» միջոցով մանրամասն հաշվի տրամադրման ծառայության դիմաց գինը կազմում է 100 դրամ (ներառյալ՝ ԱԱՀ), իսկ «My Viva» հավելվածի միջոցով՝ մանրամասն հաշվի տրամադրման ծառայությունն անվճար է:

Էլեկտրոնային հաշիվ` կորպորատիվ բաժանորդների համար

Ընդհանուր վճարման սկզբունքով գործող կորպորատիվ  փաթեթների բաժանորդները, որոնք ամբողջ փաթեթի ամենամսյա պարտքի վճարումն իրականացնում են մեկ ընդհանուր հաշիվ-ապրանքագրով, կարող են տեղեկություն ստանալ փաթեթում ներառված բոլոր հեռախոսահամարների մանրամասն հաշիվների մասին՝ ակտիվացնելով էլեկտրոնային հաշվի ծառայությունը:

Ծառայությունն ակտիվացնելու համար կորպորատիվ փաթեթի շրջանակում լիազորված անձը պետք է համապատասխան փաստաթղթերով մոտենա սպասարկման կենտրոն, լրացնի բաժանորդագրության հայտը՝ նախատեսված դաշտում նշելով այն հեռախոսահամարը, որի համար պետք է ակտիվանա ծառայությունը:

Փաթեթի համապատասխան հեռախոսահամարի համար էլեկտրոնային հաշվի ծառայությունը ակտիվացնելուց հետո լիազորված անձը պետք է գրանցվի «Ինտերնետ օգնական» պորտալում՝ 111 կարճ հեռախոսահամարին ուղարկելով «SMS» բառը: Քիչ անց բաժանորդը պատասխան հաղորդագրությամբ կստանա գաղտնաբառ՝ պորտալ մուտք գործելու համար:

«Ինտերնետ օգնական» պորտալում տվյալները առավելագույնը պահպանվում են վերջին 3 ամսվա համար:

Հեռախոսահամարի կասեցումից հետո ծառայությունը ավտոմատ կերպով ապաակտիվանում է, իսկ որևէ փոփոխության դեպքում՝ կորպորատիվ փաթեթի սեփականատեր հանդիսացող կողմը պատասխանատու է այդ մասին տեղեկացել Viva ընկերությանը:

Տեխնիկական առանձնահատկություններից ելնելով` ռոումինգում մատուցված ծառայությունների վերաբերյալ տեղեկությունները մանրամասն հաշվում կարող են արտացոլվել ուշացումով կամ զրոյական արժեքով:

Մուտքային և ելքային զանգերի ու կարճ հաղորդագրությունների վերաբերյալ մանրամասն տեղեկությունների տրամադրման կարգ