Իրավական տեղեկատվություն

Բարի գալուստ Viva.am` «Վիվա Արմենիա» փակ բաժնետիրական ընկերության և իր դուստր ընկերությունների (այսուհետ` «Վիվա Արմենիա», «Վիվա Արմենիա» ՓԲԸ կամ «Մենք») պաշտոնական վեբ կայք: Թերթելով, ներբեռնելով կամ այլ կերպ օգտվելով տվյալ կայքի բովանդակությունից կամ ծառայություններից` Դուք ընդունում եք Viva.am կայքից «Օգտվելու պայմանները» և «Գաղտնիության քաղաքականության» (այսուհետ` «Պայմաններ»): Եթե Դուք Viva.am կայքից մուտք եք գործում ցանկացած այլ կայք և/կամ հնարավորություն եք ստանում օգտվելու երրորդ անձի ծառայություններից, Դուք ընդունում եք նաև տվյալ վեբ կայքերի կամ երրորդ անձանց պայմանները: Դուք ընդունում եք սույն Պայմանները` նաև «Վիվա Արմենիա»-ի կողմից կառավարվող և Viva.am կայքին գերհղումով (hyperlinked) կամ այլ կերպ փոխկապակցված կայքեր (cabinet.Viva.am, goodok.Viva.am և այլն) այցելելիս: Սույն Պայմաններում նշված բոլոր կանոնները, որոնք վերաբերում են Viva.am վեբ կայքին, հավասարապես կիրառելի են «Վիվա Արմենիա»-ի կողմից կառավարվող և Viva.am կայքին գերհղումով (hyperlinked) կամ այլ կերպ փոխկապակցված կայքերի համար: Կասկածից խուսափելու նպատակով` Դուք պարտավորություն կստանձնեք սույն Պայմանների կատարման համար այնքանով, որքանով վերջիններս կլինեն կիրառելի: