Սակագնային պլանի փոփոխություն

Viva-ի կանխավճարային բաժանորդները հնարավորություն ունեն մի կանխավճարային սակագնային պլանից անցնելու մյուսին առանց հեռախոսահամարի փոփոխության: Սակագնային պլանի փոփոխությունն արագ է և հեշտ: Անցումը կարելի է կատարել. 

• բջջայինից հավաքելով համապատասխան կոդն ու սեղմելով զանգահարելու կոճակը,
• «Ինտերնետ օգնական» պորտալի միջոցով,
• զանգահարելով 111 և հետևելով հրահանգներին,
• «My Viva» բջջային հավելվածի միջոցով՝ այն ներբեռնելով  Play Store-ից և App Store-ից:

Սակագնային պլանը հնարավոր է փոխել ամսական առավելագույնը 10 անգամ:

Ձեր ընթացիկ սակագնային պլանը դիտելու համար հավաքեք *131*001# և սեղմեք զանգահարելու կոճակը:

«Արագ» ծառայություն

«Արագ» ծառայությունը «Viva 2700», «Viva 3500», «Y» և «UNLIM» հետվճարային սակագնային պլանների բաժանորդներին հնարավորություն է տալիս նախաձեռնելու անցում «X», «Y» և «UNLIM» հետվճարային սակագնային պլանների ցանկացած այլ՝ ավելի մեծ ծավալի փաթեթներ առաջարկող տարբերակի՝ բջջային հեռախոսի միջոցով, առանց սպասարկման կենտրոն այցելելու: «Viva 5500» հետվճարային սակագնային պլանի բաժանորդները կարող են օգտվել ծառայությունից՝ «X» հետվճարային սակագնային պլանին անցնելու համար:

Դրա համար պարզապես անհրաժեշտ է ներկայացնել սակագնային պլանի փոխելու հայտ՝ բջջային հեռախոսից հավաքելով *198# և, մուտք գործելով USSD մենյու, ընտրել անհրաժեշտ տարբերակը, կամ «My Viva» բջջային հավելվածի միջոցով, որը կարելի է ներբեռնել  Play Store-ից և App Store-ից:

Ի դեպ, կարող եք անցումը նախաձեռնել նաև անմիջապես՝ ուղարկելով նախընտրելի տարբերակի հրահանգը.

Հայտը ներկայացնելուց հետո Ձեր հեռախոսահամարը հայտնվում է համապատասխան ցանկում:

Անցման գործընթացը հաջողությամբ ավարտելու դեպքում անցումը «X», «Y» կամ «UNLIM» սակագնային պլաններին իրականացվում է ընթացիկ ամսվա վերջին օրը:

Ծառայությունն անվճար է:

Անցումը դադարեցնելու համար պարզապես մուտք գործեք *198# հրահանգների մենյու և ընտրեք դադարեցման հրահանգը կամ ուղարկեք *198*0#:

Ծանոթություններ

• Սակագնային պլանի փոփոխությունից հետո կրեդիտային սահմանաչափը, պարտքի չափը և հաշվի բոլոր տվյալները պահպանվում են:
• Սակագնային պլանը փոխելու հայտ կարելի է ներկայացնել մինչև ընթացիկ ամսվա վերջին օրը` ժամը 16:00:
• Անցումը կարելի է դադարեցնել մինչև ընթացիկ ամսվա վերջին օրը, ժամը 17:00-ն:
• Տվյալ ծառայությունից կարող են օգտվել միայն ակտիվ կարգավիճակում գտնվող և առանց դեպոզիտի  (երաշխիքային կանխավճարի) բաժանորդները:
  
• «Արագ» ծառայությունը հասանելի չէ բջջային նույնականացման(«Մոբայլ ԱյԴի») ծառայությունից օգտվող բաժանորդներին: Այլ սակագնային պլանի անցնելու համար անհրաժեշտ է մոտենալ սպասարկման կենտրոն:

Բոլոր գները  ներառում են ԱԱՀ: