ԲԻԶՆԵՍ ԼՈՒԾՈՒՄՆԵՐ

ԱՄՊԱՅԻՆ ԱՀԿ

Ամպային հեռախոսային կայանի ծառայությունը նախատեսված է մեծ, միջին և փոքր ընկերությունների համար:

Մուտքը ամպային ԱՀԿ ապահովվում է տվյալների փոխանցման և ինտերնետային կապուղիների (IP ցանցի) միջոցով՝ Հայաստանի Հանրապետության տարածքում ցանկացած վայրից: Ամպային ԱՀԿ-ն հնարավորություն է ընձեռում միևնույն ընկերության՝ աշխարհագրական տարբեր վայրերում տեղակայված գրասենյակները միավորել կորպորատիվ մեկ վիրտուալ «տանիք»-ի ներքո՝ տրամադրելով ներքին կարճ համարներ և մի շարք այլ ծառայություններ: ԱՀԿ-ն ունի ճկուն ենթակառուցվածք և պարզ ինտերֆեյս, ինչը թույլ է տալիս ընտրել այնպիսի կարգավորումներ, որոնք առավելագույնս համապատասխանում են ընկերության պահանջներին՝ ըստ գործունեության բնույթի ու առաջադրված խնդիրների:

CLOUD

Ենթակառուցվածքը որպես ծառայություն (Infrastructure as a Service, հապ.՝ IaaS). հաճախորդին բազմատեսակ ամպային ենթակառուցվածքների՝ սերվերների, տվյալների պահման համակարգերի, ինչպես նաև այդ ռեսուրսների կառավարման համար ծրագրային ապահովման տրամադրում: Հաճախորդի տեսակետից, նման մոտեցման հիմնական առավելություններից է թանկարժեք սարքավորում ձեռքբերելու անհրաժեշտության բացակայությունը, քանի որ այդ սարքավորման մի մասը հաճախ տևական ժամանակ չի օգտագործվում կամ աննպատակային է օգտագործվում: Հաճախորդը վճարում է միայն այդ ժամանակահատվածում իր կողմից օգտագործված ծառայության դիմաց և հնարավորություն ունի սահուն կերպով ավելացնել կամ նվազեցնել օգտագործվող ռեսուրսների ծավալը:

«VEEAM» ՊԱՀՈՒՍՏԱՅԻՆ ՊԱՏՃԵՆՈՒՄ

Վիվա-ՄՏՍ-ի ամպային տիրույթում տեղակայված բոլոր վիրտուալ սերվերների միասնական պահուստային պատճենում, ինչը, ցանկության դեպքում, կարելի է փոփոխել,
շաբաթական ամբողջական պահուստային պատճենում,
օրական պահուստային պատճենում (միայն՝ թարմացված տվյալները),
պահուստային պատճենների պահպանում՝ 14 օրվա ընթացքում
պատահարների դեպքում տվյալների վերականգնում՝ մեկ աշխատանքային օրվա ընթացքում:

ՀՈՍԹԻՆԳ

Վիվա-ՄՏՍ-ն առաջարկում է դոմենների գրանցման և վեբ-հոսթինգի բարձրորակ ծառայություններ: Վեբ-հոսթինգը և դոմենն այն կարևոր բաղադրիչներն են, որոնցով հնարավոր է դառնում վեբ-կայքի աշխատանքը։ Դոմենային անվանումը կայքի հասցեն է համացանցում: Դոմենային անվանումը ծառայում է դժվար հիշվող սերվերի հասցեն (IP-հասցեն) ավելի մատչելի և դյուրին անվան վերածելու համար։ Վեբ-հոսթինգը համակարգչում (սերվերում) այն տեղն է, որը տրամադրվում է հաճախորդին՝ վեբ-կայքի բոլոր ֆայլերը, այդ թվում՝ բոլոր փաստաթղթերն ու բովանդակությունը պահպանելու համար:

TOLL-FREE

Օգտվեք «0-800 Toll-Free» ծառայությունից և Ձեր ընկերության հաճախորդներին թույլ տվեք ծանոթանալ ծառայություններին, տեսականուն և ստանալ իրենց հետաքրքրող հարցերի պատասխաններն՝ անվճար զանգով:

Ծառայության շրջանակում համարին ստացված մուտքային զանգերի դիմաց վճարը գանձվում է զանգը ստացող կողմից:

ԿԱՐՃ ՀԱՄԱՐ

Դարձեք ավելի հասանելի Ձեր հաճախորդների համար: Բաժանորդագրվեք ընկերությունների ու ձեռնարկությունների համար նախատեսված՝ ֆիքսված կարճ համարի ծառայությանը և Ձեր հաճախորդներին ապահովեք ընկերության հետ կապ հաստատելու՝ ընդամենը չորս նիշից կազմված, հեշտությամբ մտապահվող համարով: Այս ծառայությամբ տրամադրվող կարճ համարի միջոցով Ձեր հաճախորդները մշտապես կարող են կապ հաստատել Ձեր ընկերության հետ՝ իրենց հետաքրքրող հարցերով:

ՖԻՔՍՎԱԾ ԼԱՅՆԱՇԵՐՏ ԻՆՏԵՐՆԵՏ

Բացահայտեք գործարար ոլորտի համար նախատեսված հաղորդակցման լուծումները.

Սիմետրիկ կայուն գերարագ ինտերնետ
Վստահելիություն. ցանցի հասանելիության պահեստային կապուղիների ապահովում,
Ճկունություն. ինտերնետի մուտք՝ տարբեր տեխնոլոգիաների միջոցով (FTTx, Radio Ethernet),
Մի շարք հավելյալ առավելություններ՝ Wi-Fi հասանելիության ծածկույթների ստեղծում, վիրտուալ և հատկացված հոսթինգ, հաստատուն IP-հասցեներ, դոմենի գրանցում և աջակցություն:

DPRS

DPRS (Dual Path Redundant Service) ծառայությունն առաջարկում է պաշտպանության տարբերակներ՝ ապահովելով 99,95% անխափան աշխատանք:

CACHE ԾԱՌԱՅՈՒԹՅՈՒՆՆԵՐ

Հոսթինգային քեշ-սերվերները թույլ են տալիս նվազեցնել բեռնվածությունը և ստանալ մատչելի քեշ տրաֆիկ Ձեր բիզնեսի համար:

SIP TRUNK

«SIP Trunk» սակագնային պլանը նախատեսված է այն կազմակերպությունների համար, որոնք աշխատանքի բերումով շատ են օգտվում ձայնային ծառայություններից և անխափան ու որակյալ հաղորդակցության կարիք ունեն, որը, միևնույն ժամանակ, վերահսկելի է ծախսի առումով: Այս սակագնային պլանի շրջանակում IP-ցանցի միջոցով մատուցվող ծառայությունների փաթեթները թույլ են տալիս ֆիքսված ամսավճարի դիմաց կատարել անվճար զանգեր՝ խմբի ներսում, ինչպես նաև ներցանցային զանգեր՝ հատուկ սակագներով: