Զանգի վերահասցեավորում

Այս ծառայությունը հնարավորություն է տալիս վերահասցեավորելու մուտքային զանգերը մեկ այլ հեռախոսահամարի: Վերահասցեավորման շնորհիվ Դուք այլևս բաց չեք թողնի կարևոր զանգերը, անգամ եթե

•Ձեր հեռախոսագիծը զբաղված է,
•հեռախոսն անջատված է կամ գտնվում է ռադիոծածկույթից դուրս,
•Դուք չեք պատասխանում զանգին որոշակի ժամանակի ընթացքում:

Վերահասցեավորում կարելի է կատարել, ինչպես բոլոր զանգերի, այպես էլ զանգի առանձին տեսակների համար, ինչպիսիք են.

•Ձայնայինը
•Ֆաքսը
•Տվյալների փոխանցումը
•Տեսազանգը

Զանգերը վերահասցեավորելու համար Ձեր հեռախոսի մենյուից ընտրեք Կարգավորումներ > Զանգերի կարգավորումներ > Զանգերի վերահասցեավորում և սահմանեք վերահասցեավորման նախընտրելի տարբերակը:
 
Վերահասցեավորումները կարելի է նաև ակտիվացնել կամ ապաակտիվացնել «Ինտերնետ օգնական» ինքնասպասարկման պորտալի միջոցով, կամ` բջջային հեռախոսից հավաքելով համապատասխան հրահանգն ու սեղմելով զանգահարելու կոճակը:

Ծանոթություն

•Զանգերը կարելի է վերահասցեավորել ՀՀ բջջային և քաղաքային ցանցերի հեռախոսահամարներին: Վերահասցեավորված զանգերի համար վճարի գանձումն իրականացվում է բաժանորդի ընթացիկ սակագնային պլանի սակագների համաձայն:
•Կախված հեռախոսի մոդելից` ծառայության ակտիվացման եղանակը կարող է տարբերվել վերոհիշյալից. Այս դեպքում կարող եք օգտվել Ձեր հեռախոսի ուղեցույցից:
•Հեռախոսների որոշ մոդելներից հնարավոր չէ իրականացնել «Զանգի վերահասցեավորում»: