Ինտերնետ-փաթեթներ հետվճարային բաժանորդների համար

Բոլոր գները ներառում են ԱԱՀ:

Ինտերնետ-փաթեթ ակտիվացնելու համար անհրաժեշտ է հավաքել համապատասխան հրահանգն ու սեղմել զանգահարելու կոճակը: Նույն կերպ կարելի է ստուգել օգտագործած ինտերնետի արժեքը, ինչպես նաև ապաակտիվացնել կամ կրկին ակտիվացնել ինտերնետը:

Անմիջապես USSD մենյու մուտք գործելու համար ուղարկեք *110# հրահանգը:

Հետվճարային բաժանորդի համար բավական է ընդամենը մեկ անգամ ուղարկել որևէ ինտերնետ-փաթեթի ակտիվացման հրահանգ և վերջինս տվյալ ամսվա համար կստանա փաթեթի ձեռք բերման օրվանից մինչև ամսվա վերջ ընկած ժամանակահատվածին համապատասխան ՄԲ-եր, իսկ յուրաքանչյուր հաջորդ ամսվա սկզբում ընտրած փաթեթը կրկին կակտիվանա: Տվյալ ամսվա համար տրամադրված ՄԲ-երն ամբողջությամբ չօգտագործելու դեպքում դրանք հաջորդ ամիս չեն փոխանցվում:

Ծառայությունն ապաակտիվացնելուց հետո կրկին ակտիվացնելու համար բավական է պարզապես համապատասխան հրահանգի միջոցով ակտիվացնել նախընտրած փաթեթը:

Իսկ ամսվա ընթացքում փաթեթում ներառված ՄԲ-ները սպառելուց հետո օգտագործված ինտերնետի վճարը գանձվում է ըստ ընթացիկ սակագնային պլանով սահմանված սակագների:

Ծանոթություն

• Բաժանորդները հնարավորություն ունեն փոխելու իրենց ընթացիկ փաթեթը, ձեռք բերելով ավելի մեծ փաթեթ, ամսական մեկ անգամ: Ի դեպ, ամսվա ընթացքում փաթեթը փոփոխելու դեպքում, ընթացիկ ինտերնետ-փաթեթի ամսավճարը գանձվում է ամբողջությամբ, իսկ նորի համար ամսավճարը՝ ըստ այդ ամսվա մնացած օրերի քանակի:
• Փաթեթը կրկին փոխելու, ավելի փոքր փաթեթ ակտիվացնելու կամ ապաակտիվացնելու համար անհրաժեշտ է ուղարկել համապատասխան հրահանգը տվյալ ամսվա վերջին օրը, մինչև ժամը 19:30-ն: Եթե ինտերնետ փաթեթը չի ապաակտիվացվում մինչև ընթացիկ ամսվա վերջին օրը, ժամը 19:30, ապա այն հասանելի է լինելու հաջորդ ամսվա ընթացքում, ու փաթեթի ամսավճարը գանձվելու է այդ ամսվա վերջին:
• «Ինտերնետ-փաթեթ» ծառայությունը չի տրամադրվում «Viva», «STARTPHONE», «Բիզնես վերահսկում», «Data» սակագնային պլանների բաժանորդներին, ինչպես նաև 3G/4G երթուղիչի հիման վրա գործող սակագնային պլանների բաժանորդներին:
• Ծառայությունից հնարավոր չէ օգտվել ռոումինգում: Ծանոթացեք ծառայությունների սակագներին ռոումինգում: