Մուտքային և ելքային զանգերի ու կարճ հաղորդագրությունների վերաբերյալ մանրամասն տեղեկությունների տրամադրման կարգ

Հիմք ընդունելով ՀՀ հանրային ծառայությունները կարգավորող հանձնաժողովի 21.06.2017թ.-ի թիվ 261Ն որոշումը՝ մուտքային և ելքային զանգերի ու կարճ հաղորդագրությունների (այսուհետ՝ «Ծառայություններ») վերաբերյալ մանրամասն տեղեկությունները Viva-ի կողմից տրամադրվում են հետևյալ կարգով.

1. Մատուցված Ծառայությունների վերաբերյալ մանրամասն տեղեկություններ ստանալու նպատակով բաժանորդը կարող է դիմում ներկայացնել Viva-ի ցանկացած սպասարկման կենտրոնում կամ առցանց՝ Ընկերության «Ինտերնետ օգնական» ինքնասպասարկման պորտալի կամ բջջային հավելվածի միջոցով:
2. Բաժանորդի դիմումի հիման վրա Viva-ն տրամադրում է մանրամասն տեղեկություններ միայն այն Ծառայությունների վերաբերյալ, որոնք սակագրվել են և բաժանորդի համար ծառայության վճար առաջացրել:
3. Viva-ն չի տրամադրում մանրամասն տեղեկություններ մատուցված այն Ծառայությունների վերաբերյալ, որոնք չեն սակագրվել և բաժանորդի համար ծառայության վճար չեն առաջացրել:
4. Մատուցված Ծառայությունների վերաբերյալ մանրամասն տեղեկությունները ներառում են՝ հեռախոսահամարները, Ծառայությունների մատուցման ամսաթվերը, ժամերը, րոպեները, վայրկյանները, խոսակցությունների տևողությունները, օգտագործած ինտերնետի արժեքը, Ծառայությունների արժեքը:
5. Մանրամասն տեղեկությունները տրամադրվում են թղթային և (կամ) էլեկտրոնային տարբերակներով:
6. Յուրաքանչյուր դիմումի հիման վրա մատուցված Ծառայությունների վերաբերյալ մանրամասն տեղեկությունների տրամադրման արժեքը կազմում է 100 ՀՀ դրամ: